Қазақстанда бала туу көрсеткіші соңғы үш жыл қатарынан төмендеді. Бұл туралы Data Hub аналитикалық арнасы жазды.
2024 жылы бала туудың жалпы коэффициенті (ТЖК) 0,16-ға азайып, 2,8-ге дейін төмендеді. Бұл – 2017 жылдан бергі ең төменгі көрсеткіш.
2021 жылы ТЖК 3,32 болып, соңғы 22 жылдағы ең жоғары деңгейге жеткен. Содан бері көрсеткіш тұрақты түрде төмендеп келеді.
Бала туу көрсеткішінің төмендеуіне әсіресе 20-29 жас аралығындағы әйелдер тобы әсер еткен деген болжамды ұсынады.
«Бұған әсіресе, 20-29 жас аралығындағы жас әйелдер айтарлықтай әсер еткен сияқты: дәл осы жас тобында туу коэффициенттері өте қатты төмендегені байқалады», — делінген.
Дегенмен, Қазақстандағы бала туу деңгейі Дүниежүзілік банктің деректері бойынша әлемдік орташа көрсеткіштен әлі де жоғары.
Сурет: Pexels.com
