2024 жылы Қазақстан экспортының көлемі 81 млрд АҚШ долларынан асып жығылды. Соның 52,5%-ы шикі мұнай тасымалы есебінен. Яғни 43 млрд доллар шамасы. Бұл жөнінде Сауда министрлігі хабарлады.
Одан бөлек қымбат металдарға сұраныс күшті:
- уран ( 4,6 млрд АҚШ доллары),
- мыс және мыс катодтарын (4,1 млрд АҚШ доллары),
- мыс кендері мен концентраттары (3,2 млрдАҚШ доллары).
Қазақстан ферроқорытпаларды, табиғи газды, бидайды және мұнай өнімдерін сыртқы нарыққа шығарады. Шикізат емес тауар экспорты — 28,8 млрд долларға жеткен.
«2024 жылы техника, көлік және фармацевтика саласында импорт белсенділігімен ерекшеленді. Ең үлкен көлем жеңіл автомобильдерге ($2,3 млрд), ұшу аппараттарына ($1,8 млрд), дәрілік препараттарға ($1,7 млрд) және телекоммуникациялық жабдыққа тиесілі болды», — деп хабарлады министрлік.
Биылғы қаңтар айында экспорт 4,5 доллар, импорт 2,5 АҚШ долларынан асты. Табыстың тең жартысын мұнай экспорты алып келіп отыр. Министрлік Қазақстанмен сауда-саттықта Қытай, Ресей және Италия көш басында тұрғанын хабарлады.
Ресейге 8,1 млрд доллардың тауары жіберілген. Ал Қытайға металлургиялық, химиялық заттар мен азық-түлік өнімдері экспортталады.
фото: inbusiness.kz
