Қазақстан үкіметі 16 қазаннан бастап АИ-92 маркалы бензин мен дизель отыны бағасын өсіруге және азық-түлікті қымбаттатуға мораторий жариялады. 2026 жылдың бірінші тоқсанының соңына дейін коммуналдық тарифтерді көтеруге шектеу қойды.
Үкімет отандық ауыл шаруашылығы тауарын өндірушілерге арналған қаражатты екі есе көбейтпек. Осы арқылы азық-түлік бағасын ұстауды көздеп отыр.
Оған қоса ипотекалық несиені екі есе көбейтпек. Яғни «Наурыз», «Наурыз жұмыскер» бағдарламаларының лимитін 500 млрд теңгеге ұлғайтады.
Екінші деңгейлі банктер жеңіл автонесие беруді жалғастырады. Тұрғындарға лизинг тетігі ұсынылады.
Ұсақ және шағын бизнеске арнайы салық режимі жеңілдетіледі. Салықтық тексеру мен камералық бақылаудан босатылды.
Оқыңыз:
БҚО тұрғындары табысының жартысынан көбін азық-түлікке жұмсайды
фото: ЖИ-генератор
