Шығыс Қазақстан облысында майнинг кәсіпорындарына 9 млрд теңгеден астам сомаға электр энергиясы заңсыз берілгені анықталды. Бұл туралы Қаржылық мониторинг агенттігі хабарлады.
Жалпы тұтынылған электр энергиясының көлемі 50 мегаватт-сағаттан асқан. Бұл 50-70 мың тұрғыны бар қаланың энергия тұтынуына тең.
Заңсыз табысқа ұйымдастырушылар Астанадан екі пәтер және төрт автокөлік сатып алған.
Сот бұл мүлікке санкция салды. Қазіргі кезде тергеу жалғасып жатыр.
Заңнамаға сәйкес майнинг кәсіпорындарына электр энергиясын тек бірыңғай мемлекеттік сатып алушы арқылы және 1 мегаватт-сағаттан аспайтын көлемде сатуға рұқсат етіледі. Алайда бір топ энергиямен жабдықтаушы компаниялар екі жыл бойы халыққа, әлеуметтік нысандарға және стратегиялық кәсіпорындарға арналған электр қуатын майнерлерге заңсыз жеткізіп отырған.
фото: видеодан алынған кадр
