Қазақстанда қатты бидай экспорты азайған. Мамыр айында 52 700 тонна қатты бидай экспортталды, жазды APK News. ЕАЭО-ны есепке алмағанда сәуір айдағы көрсеткіштен 45%-ға азайып кетті. Оған елдегі бидай қорының азаюы себеп болған. Мәселен, Италияға арналған тасымал көлемі 74 000 тоннандан 45 000 тоннаға түскен.
Қазақстанның астық одағы талдау комитетінің басшысы Евгений Карабанов жоғары сапалы қатты бидай экспортқа шығарылатынын айтты.
Мамыр айындағы экспорт көлемі:
- Италия – 45 000 тонна
- Тәжікстан – 3 600 тонна
- Латвия – 2 000 тонна
- Өзбекстан 17000 тонна
Қатты бидай (лат. Triticum durum немесе Triticum turgidum ssp. durum) — бидайдың ерекше сорты, негізінен макарон өнімдері мен кейбір жоғары сапалы жармалар жасау үшін қолданылады. Оны кейде дурум немесе макарон бидай деп те атайды.
Жұмсақ бидайдан айырмашылығы:
| Қасиеті | Қатты бидай | Жұмсақ бидай |
|---|---|---|
| Ұны | Семолина (ірі) | Ақ ұн (майда) |
| Өнім түрі | Макарон, жарма | Нан, бәліш, печенье |
| Құрылымы | Жоғары глютен, серпімді | Жұмсақ, серпімді емес |
Біріккен Ұлттар ұйымының Азық-түлік және ауыл шаруашылығы ұйымы маусым айында бидай қымбаттағанын мәлімдеді. Ресейде, Еуропада, Америкада ауа райының құбылуы бидай бағасының өсуіне әсер еткен.
Аргентина мен Бразилияға экспорттың ұлғаюы бәсекенің артуына, жүгерінің арзандауына түрткі болды. Құмай мен арпа бағасы да төмендеді.
фото: pixabay
