Павлодар облысында төтенше жағдай жарияланды. 19 маусым күні секундына 43 метрге жететін дауыл салдарынан апатты жағдай көбейді.
Төтенше жағдай жөніндегі комиссия шешімімен үш қалада және бірнеше ауданда ТЖ режимі жарияланды.
Ақсу, Екібастұз, Павлодар қалаларында және Баянауыл, Павлодар, Май аудандарында жел күшейген. Ресми мәлімет бойынша дауыл салдарынан Ақсу тұрғыны қайтыс болды.
Облыс бойынша 16 адам, оның ішінде үш бала зардап шеккен. Павлодар қаласында 50-ге жуық нысанға нұқсан келтірілді. 16 мекеме ғимаратының шатыры бұзылды. Елді мекендерде электр желілері істен шықты.
Комиссия зардап шеккендердің өтінішін 30 маусымға дейін қабылдайды. Әкімдік тұрғындар хабарласатын телефон нөмірлері мен кеңес беретін кеңселердің мекенжайлары туралы ақпаратты жариялады.
фото: Pavlodar Presss region
