Алматы облысында ер адамға оқ атып, оның екі жасар қызын ұрлаған күдікті қолға түсті. Бұл туралы Алматы облыстық полиция департаментінің баспасөз қызметі хабарлады.
Тергеу мәліметінше, күдікті мен жәбірленуші бұрын жақын қарым-қатынаста болған. Жанжал кезінде күдікті ер адамның бауырына оқ атып, ол оқиға орнында көз жұмған.
Кейін күдікті марқұмның екі жасар қызын алып, жасырынған. Полиция күдіктінің аты-жөні мен жүрген жерін анықтау арқылы қызды босатты. Қазір оның жағдайы қалыпты.
Адвокат Гаухар Сариеваның айтуынша, күдікті бұған дейін ер адамның қарындасын зорлаған. Полиция бұл іске қатысты шара қолданбады.
4 қыркүйекте Сариева күйеуімен бірге күдіктіні ұстап, полицияға тапсырған. Бірақ құқық қорғау органдарының қызметкерлері оны келесі күні босатқан.
Бұл оқиғадан кейін күдікті өзі зорлаған қыздың ағасының үйіне барып, оны атып өлтіреді.
Естеріңізге сала кетейік, 2024 жылдың қазан айында Талғарда 16 жасар Шерзат Болат кісі қолынан қаза тапты. Шерзаттың өлімінен кейін ағасы Нұрғанат Ғайыпбаев өзіне қол салды.
2025 жылғы 5 маусымда бұл іс бойынша сот үкімі шығып, 9 адам бас бостандығынан айырылды. Бас айыпталушы Абзал Шынасыл ҚР Қылмыстық кодексінің 99-бабы (Адам өлтіру), 293-бабы (Бұзақылық) және 24-бабы (Қылмысқа дайындалу) бойынша кінәлі деп танылып, 23 жылға бас бостандығынан айырылды.
фото: istockphoto.com
