2025 жылы Қазақстанда барлық көлік түрлері арқылы 1,9 млрд жолаушы тасымалданды. Бұл 2024 жылмен салыстырғанда 12,5%-ға көп. Бұл туралы Ұлттық статистика бюросының есебінен белгілі болды.
ҰСБ дерегінше, 2025 жылы жолаушылар тасымалынан түскен табыс 1,5 трлн теңгені құрады. Ал жол ұзындығы 88,9 млрд километрге жетіп, бір жылда 7,4%-ға артқан. қ көлікпен тасымалданған.
Жолаушы айналымы Шымкент пен Алматы қалаларында, сондай-ақ Алматы, Түркістан, Абай, Қарағанды, Қызылорда, Шығыс Қазақстан, Ақтөбе, Жетісу, Павлодар, Маңғыстау және Батыс Қазақстан облыстарында айтарлықтай өскені тіркелді.
Табыстың ең көп бөлігі қай салаға тиесілі?
Ұшақтар арқылы 15,4 млн азаматқа қызмет көрсетілді. Бұл салада өсім 4,8%-ға тең, ал жолаушылардан түсенн табыс 918,1 млрд теңгеге жеткен.
2025 жылы елде әуе рейстерінің кешігуі жиіледі. Қазан-желтоқсан айларында авиация саласында техникалық ақауларға мен әуе кемелерінің мәжбүрлі қонуына байланысты оқиғалар саны артты.
2024 жылдың соңында Air Astana шотында 1 млрд теңгенің жетіспейтіні анықталды. Қазір бұл іс бойынша компанияның бұрынғы қызметкерлері Еркін Исанов, Дәуір Еркенұлы және Ренат Абулханов жауапқа тартылып жатыр. Кірістер бөлімінің басшысы қызметін атқарған Абулханов тергеу кезінде кей шенеуніктер мен лауазымды тұлғаларға билет жеңілдікпен сатылғанын мәлімдеді. Билетті арзан бағамен алғандардың қатарында Air Astana басшысы Питер Фостердің әйелі Татьяна Фостер бар.
Жолаушылардың 98%-ы не арқылы қатынады?
2025 жылы автобус, троллейбус, такси және өзге де көлік түрлерінің қызметіне 1,9 млрд жолаушы жүгінген. Бұл жалпы транспорт қозғалысының 98,1%-ын құрайды. Аталмыш сала 506,4 млрд теңге пайда әкелді.
Теміржол саласы
Теміржол арқылы 19,4 млн жолаушы қатынаған. Аталған көрсеткіш 2024 жылмен салыстырғанда 6,7%-ға төмен. Теміржолдан түскен табыс көлемі 142,4 млрд теңгені құрады. Айта кетейік, күні бүгін, 12 қаңтарда Ресей теміржолдарының Петропавлдағы бөлімшесіне бағаны қымбаттатқаны үшін айыппұл салынды.
Ішкі су көлігімен 253 мың жолаушы тасымалданып, көрсеткіш 9,5%-ға артқан.
