Вагон салмағын өлшеу кезінде бағаны қымбаттатқан Петропавлдағы жол бөлімшесіне айыппұл салынды. Бұл туралы Солтүстік Қазақстан облысы бойынша Бәсекелестікті қорғау және дамыту агенттігінің департаменті хабарлады.
Тексеру нәтижесінде Ресей теміржолдарының Оңтүстік Орал темір жолының Петропавл бөлімшесі электронды вагон таразыларына метрологиялық қызмет көрсету кезінде монополиялық жоғары баға қойғаны анықталды.
Сот шешімімен филиалға 1,88 млн теңге көлемінде айыппұл салынып, 7,3 млн теңге көлемінде монополиялық кіріс тәркіленді.
Сонымен қатар 2026 жылдың 1 қаңтарынан қызмет бағасы 754 698 теңгеден 536 357 теңгеге дейін, яғни 28%-ға төмендетілді.
фото: freepik.com
