Close Menu
SARAPSHY.INFOSARAPSHY.INFO
  • Басты бет
  • Біздің сараптама
  • Саясат
  • Экономика
  • Фактчекинг
    • Уәде
  • Өте өзекті
  • Арнайы жобалар
  • Авторлар
Facebook X (Twitter) Instagram Telegram WhatsApp VKontakte YouTube TikTok RSS
  • Редакция жайлы
  • Жарнама
    • Ақпараттық хабарлама
  • Редакция саясаты
    • Құпиялық саясаты
  • Бізге жаз
Facebook Instagram Telegram WhatsApp YouTube TikTok
SARAPSHY.INFOSARAPSHY.INFO
Жаңалықтарға жазылу
Жексенбі, 22 қараша
  • Басты бет
  • Біздің сараптама
  • Саясат
  • Экономика
  • Фактчекинг
    • Уәде
  • Өте өзекті
  • Арнайы жобалар
  • Авторлар
Facebook X (Twitter) Instagram Telegram WhatsApp VKontakte YouTube RSS
SARAPSHY.INFOSARAPSHY.INFO
  • Редакция жайлы
  • Жарнама
  • Редакция саясаты
  • Бізге жаз
Басты бет»Экономика»Қаржы»Батысқазақстандықтар 1,1 млрд теңгесін қаржы пирамидаларына салған
Гүлмира Сарсенғали Қаржы 29/09/2025

Батысқазақстандықтар 1,1 млрд теңгесін қаржы пирамидаларына салған

Бөлісу
Facebook Twitter LinkedIn Pinterest Email VKontakte Telegram WhatsApp Copy Link

Биыл тоғыз айда БҚО-да экономикалық тергеп-тексеру департаменті 23 қылмыстық құқық бұзушылық істі тіркеді. Оның жалпы залалы екі млрд-тан астам теңгені құрады. Бұл жөнінде БҚО бойынша экономикалық тергеп-тексеру департаменті басшысының орынбасары Жандос Кенжебаев айтты.

Белгілі болғаны, жыл басынан бері 36 қылмыстық іс тергеліп, оның 17-сі алдын ала тергеу жүргізу арқылы аяқталған.

«Есепті кезеңде біздің жұмысымыз өңірдің экономикалық қауіпсіздігін қамтамасыз етуге, қаражаттың заңсыз ағынын тоқтатуға және қылмыстық табыстарды заңдастыруға қарсы күресуге бағытталды. Қаржылық пирамидалармен күреске және заңсыз кәсіпкерлік қызметке көңіл бөлінді», – дейді ол.

Ақпан айында сотқа несиелік серіктестік басшысына қатысты 150 млн теңгеден астам көлемде субсидияларды жымқыру фактісі бойынша тіркелген жеті эпизодтан тұратын қылмыстық іс жолданды. Күдікті қарамағындағы шаруа қожалығының атына заңсыз түрде 126,7 млн теңге көлемінде жеңілдетілген несие рәсімдеген. Кейін бұл қаражат ірі қара мал сатып алынбастан, шаруа қожалығының шотынан қолма-қол ақшаға айналдырылған. Сонымен қатар мал шаруашылығының ақпараттық жүйесі базасына жалған ақпарат енгізу арқылы ол 24 млн теңге көлеміндегі субсидияны заңсыз алған.

Қылмыстық жолмен алынған табысқа күдікті жер телімдерін сатып алып, оның бірінде сауна мен сауда үйін салған. Аталған мүлікті жасыру мақсатында оны туысының атына рәсімдеген.

Сот санкциясымен жалпы құны 198 млн теңге болатын тыйым салынды. Қазіргі уақытта іс сотта қарастырылып жатыр.

Сондай-ақ маусым айында ЖШС-ның банкроттығын басқарушының заңсыз әрекеттері бойынша алдын ала тергеу аяқталды. Банкротты басқарушы кәсіпорынның салық қарызы бар екенін біле тұра заңсыз әрекеттер жасап, қаражатты заңсыз түрде құрылтайшы мен оның жақын тұлғаларының есепшоттарына аударды. Бұл сома 46 млн теңгеден асты. Қаражат заңсыз түрде заңгерлік қызметтерді төлеу, туындаған қарыздарды өтеу және құрылтайшыға қалған қаражатты қайтару ретінде көрсетілген. Батыс Қазақстан облысының арнайы ауданаралық экономикалық сотының шешімімен бұл аударымдар заңсыз деп танылып, қазіргі уақытта кәсіпорынның мүліктік құрамына қайтарылып жатыр.

Тамыз айында мемлекеттік мекеменің есепшілеріне қатысты аса ірі көлемде бюджет қаражатын жымқыру фактісі бойынша іс сотқа жолданды. Олардың заңсыз әрекеттерінің нәтижесінде мемлекетке 46 млн теңге көлемінде зиян келген. Департамент қызметкерлері қабылдаған шаралардың нәтижесінде кінәлі тұлғалар анықталып, мемлекетке келтірілген залал толық көлемде өтелді. Қазіргі уақытта іс сотта қарастырылып жатыр.

«Соңғы үш жылда қаржы пирамидаларын құру фактісі бойынша 13 қылмыстық іс тіркелді. Жәбірленушілердің саны 1 000-нан астам облыстың тұрғынын құрайды. Ал келтірілген залалдың сомасы 1,1 млрд теңгеден асады. Оның ішінде тоғыз іс бойынша айыптау үкімдері шығарылды. Сонымен қатар салымшылардан алынған кірістерді заңдастыру фактілері анықталды. Оның жалпы сомасы 76 млн тенгеден асады. Бұл ретте департаментпен айыпталушылардың 113 млн теңгеге мүлкі тәркіленді», – деп атап өтті Жандос Кенжебаев.

Оның айтуынша, биылдан бастап «Кибернадзор» жүйесі арқылы 545 сайт пен WhatsApp желісіндегі 957 қатысушысы бар чат жойылды.

Фото: Pexels.com

Автор

  • Гүлмира Сарсенғали

    Гүлмира Сарсенғали – журналист. 2020-2025 жылдары zhaikpress.kz ақпарат агенттігінде SMM-маман, тілші, шығарушы редактор, шеф-редактор болып жасаған. 2024 жылдан бері Sarapshy.info ақпарат агенттігінің редакторы.

    Барлығын қарау
2025 БҚО БҚО бойынша экономикалық тергеп-тексеру департаменті Жандос Кенжебаев ҚР қылмыстық құқық бұзушылық
Бөлісу Facebook Twitter Pinterest LinkedIn Tumblr Email VKontakte Telegram WhatsApp Copy Link

Оқи отырыңыз...

жаңалық

Әрбір мәслихат депутаттығына үміткердің сайлауалды науқанына бюджеттен қанша қаражат жұмсалады?

27/10/2026
Біздің сараптама

Шымкенттегі инвестфорум: $4,8 млрд-тық құжат экономикаға не береді?

23/10/2026
жаңалық

БҚО-да жоғалған балалар саны екі есе артты

31/05/2026

Жаңа мақалалар

Қағаздағы тоқшылық пен тұрмыстағы тапшылық

Біздің сараптама 27/10/2026

Әрбір мәслихат депутаттығына үміткердің сайлауалды науқанына бюджеттен қанша қаражат жұмсалады?

жаңалық 27/10/2026

Киіктің мүйізі қара нарыққа қалай жол тартты?

жаңалық 24/10/2026

Рубио Орталық Азияға алғаш рет келді: Самарқанда не талқыланды?

Әлем жаңалықтары 24/10/2026

Ресей-Украина соғысынан оралған қазақстандықтарға қылмыстық жауапкершілік жүктелуі мүмкін бе?

жаңалық 23/10/2026
Сайт мұрағаты
Қараша 2026
Дс Сс Ср Бс Жм Сб Жс
 1
2345678
9101112131415
16171819202122
23242526272829
30  
« Қаз    
Advertisement

Сайт материалдарын пайдаланғанда дереккөзге сілтеме көрсету міндетті.
Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

ҚР Ақпарат және Қоғамдық даму министрлігі Ақпарат комитетінің №KZ30VPY00040617 куәлігі берілген.

Поштамыз: sarapshy.info@gmail.com

Facebook Instagram YouTube WhatsApp TikTok Telegram

Соңғы жаңалықтар

Қағаздағы тоқшылық пен тұрмыстағы тапшылық

27/10/2026

Әрбір мәслихат депутаттығына үміткердің сайлауалды науқанына бюджеттен қанша қаражат жұмсалады?

27/10/2026

Киіктің мүйізі қара нарыққа қалай жол тартты?

24/10/2026

Sarapshy.info-ға жазыламын

Сараптамалар мен шолуларды тұрақты оқимын десеңіз

© 2021- 2026 «Медиа білім» қоғамдық қоры. Авторлық және жанама құқықтар толық сақталған.

Іздеу үшін Enter пернесін басыңыз. Бас тарту үшін Esc пернесін басыңыз.