Әзербайжан билігі 2025 жылдың ақпан айында Sputnik Әзербайжан редакциясының қызметін тоқтатқан. Соған қарамастан редакция жұмысын жалғастырған. BBC ақпараты бойынша Әзербайжан Ішкі істер министрлігі басылымның заңсыз жолмен қаржыландырылып отырғанына күдіктенеді.
Sputnik Әзербайжан директоры Игор Кратвых пен шеф-редакторы Евгений Белоусов ұсталған.
Баку кейінгі кезде РФ-да болған жағдайға байланысты қатаң шара қабылдауға көшті. Екатеринбург қаласында этникалық қылмыс тобы тұтқындалды. Олардың арасында әзербайжан диаспорасының өкілдері бар.
Интрефакс агенттігінің жазуынша, осы оқиғаға байланысты Ресейдің Ішкі істер министрлігіне Әзербайжан елшісі Рахман Мустафаев шақырылған.
The Moskow Times жергілікті басылымдар дерегіне сүйене отырып Әзербайжан ІІМ Ресей пропагандасын жүргізетін редакция кеңсесін тінтіп, РФ Федеральды қауіпсіздік қызметінің (ФСБ) екі қызметкерін ұстағаны туралы хабарлады.
Екатеринбургте диаспора мүшелері тұтқындалғаннан кейін Әзербайжан Республикасы парламентінің делегациясы Ресейде өтетін парламентаралық комиссия отырысына қатысудан бас тартты. Оған қоса Әзербайжанда РФ делегациясы қатысатын мәдени шараларды өткізуге тыйым салды.
Ресейлік дипломатты да Әзербайжан ішкі істер министрлігі кеңсеге шақыртқан. РФ президентінің баспасөз хатшысы Дмитрий Песков «құқық қорғау органдарының жұмысы Бакудың осылай наразылық білдіруіне себеп болмауы керек» деп мәлімдеді.
2024 жылдың 25 желтоқсанында Ақтау қаласында AZAL ұшағы құлады. Ұшақтың апатқа ұшырауына Ресейдің қорғаныс жүйесінің шабуылдауы себеп болған. Осыдан кейін Әзербайжан елінің басшысы Ильхам Әлиев РФ-ның мұны тез арада мойындамағанын сынады.
фото: picture-alliance/dpa/D. Tanecek
