Былтыр Қазақстанға Қытайдан 2,6 мың адам көшіп келген. Ұлттық статистика бюросының дерегіне сай, бұл көрсеткіш 2024 жылмен салыстырғанда 29%-ға артқан.
Айта кетейік, 2025 жылы елге толық қоныс аударғандар саны 23 мың адамды құрады. Ал Қазақстаннан 7,6 мың адам көшкен.
Қытайдан Қазақстанға эммиграциялағандар саны 2021 жылдан бері өсіп келеді. 5 жыл бұрын ҚХР-дан 249 адам Қазақстанға көшкен.
Қоныс аударғандардың 99%-ы —этникалық қазақтар. Олардың шамамен 70%-ы Алматы қаласы мен Алматы және Жетісу облыстарында тұрақтады.
Қытайдан Қазақстанға көшкендер саны 2008 жылы 6,3 мың адамды құраған. Бұл соңғы 20 жыл ішіндегі ең жоғары көрсеткіш.
2025 жылы Қазақстанға келген орыс ұлтының өкілдерінің саны жалпы көрсеткіштің 14,3%-ын құрайды. Бұл тізімдегі өзбек ұлтының үлесі — 7,3%. Сонымен қатар Қазақстанға украиндар көшіп келген (1,8%).
Естеріңізге сала кетейік, 2025 жылдың III тоқсанында Қазақстандағы орналастыру орындарына қытайлықтарды өткен жылдың сәйкес кезеңімен салыстырғанда 43%-ға көп қабылдаған.
фото: istockphoto.com
