Қазақстан Республикасының жаңа Конституциясының жобасы жарияланды.
Қазақстанның Әділет министрі Ерлан Сәрсембаев Конституцияның жаңа жобасын қабылдауды ұсынды. Бұл туралы Конституциялық комиссияның бесінші отырысында мәлім болды.
24 қаңтарда Конституция комиссиясының бірінші отырысы өтті. Ата заңға өзгеріс енгізу туралы 20 қаңтарда өткен ұлттық құрылтайда президент Қасым-Жомарт Тоқаев сөз қозғады.
Айта кетейік, 26 қаңтарда өткен конституциялық реформаның екінші отырысында заңнамалық билікке жауап беретін жаңа орган — құрылтайдың міндеттері талқыланды.
Оқыңыз: Құрылтайдың құқықтық мәртебесі: бірпалаталы парламент қалай құрылады?
Комиссия мүшелері Конституцияның 77 бабын талқылаған, бұл заңның 84%-ын құрайды. Қазіргі кезде комиссия 11 бөлім мен 95 бапты бекітуді ұсынып отыр.
Конституцияның жаңа жобасында этноснаралық және конфессияаралық келісімге басымдық берілетіні айтылған. Сондай-ақ Конституциялық комиссия мемлекет болашағы табиғи ресурстардан емес, адами капиталдан қалыптасатынын атап өтті.
Ата заңның жаңа нұсқасына цифрлық ортада азаматтардың құқықтарын қорғау туралы өзгеріс қосылмақ.
Қоғам қызу талқылаған мемлекеттік тіл туралы бап өзгерізсіз қалды. Бұған дейін қазақстандықтар e-otinish платформасы арқылы қазақ тілін жалғыз мемлекеттік тіл ретінде қалдыруды ұсынса, жаңа Конституцияның 9-2-бабында «Мемлекеттік ұйымдарда және жергілікті өзін-өзі басқару органдарында орыс тілі ресми түрде қазақ тілімен тең қолданылады» делінген.
Конституцияда дін мен мемлекеттің ара-жігін нақты ажырату, білім беру жүйесінің зайырлы сипатын бекіту де көзделген.
Өзгерістер қатарында вице-президент институтын енгізу бар. Бұл туралы алғаш рет президент 20 қаңтарда сөз қозғады.
Сонымен қатар енді адвокаттардың мәртебесі заңдағы арнайы бап арқылы бекітіледі.
Жаңа Конституция жобасы 11 бөлім мен 95 баптан тұрады, ұсыныстар e-Otinish және eGov порталдары арқылы қабылданып жатыр.
Соңғы шешім жалпыұлттық референдумда қабылданады.
фото: gov.kz
