АҚШ Венесуэла астанасы Каракастағы бірқатар нысанға әскери соққы жасады. Қазір Венесуэлада төтенше жағдай жарияланды. Бұл туралы америкалық CBS ақпарат агенттігі хабарлады.
Дереккөздің айтуынша, соққылар Венесуэладағы әскери инфрақұрылым нысандарына зақым келтірген. Әскери операция АҚШ президенті Дональд Трамптың бұйрығымен жүзеге асқан.
Соңғы айларда АҚШ Кариб теңізі аймағында әскери ықпалын күшейтіп, USS Gerald R. Ford әуе тасымалдаушы кемесін және өзге де әскери кемелерді қолдана бастаған.
Бұған дейін Трамп Венесуэла президенті Николас Мадуроны есірткі трафигімен айналысатын ұйымдармен байланысы бар деп айыптады.
АҚШ Конгресінде демократ сенатор Рубен Гальего операцияны заңсыз деп атады, ал республикалық сенатор Майк Ли Конгрестің ресми рұқсатынсыз соққы жасаудың конституциялық негізіне күмән келтірді.
АҚШ Қарулы күштері аталған «операция» кезінде президент Николас Мадуро және оның жұбайын ұстап, мемлекет аумағынан шығарды.
Дональд Трамп Х әлеуметтік желісінде соққының сәтті өткенін жазды.
фото: Matias Delacroix/AP Photo/picture alliance
