Close Menu
Жаңалықтарға жазылу
Бейсенбі, 9 шілде
жаңалық

Талғарда «Хутор» қылмыстық тобының жетекшісі сотталды

Алматы облысының Талғар ауданында «Хутор» ұйымдасқан қылмыстық тобының жетекшісі Хасан Қасымбаев 12 жылға бас бостандығынан айырылды. Бұл туралы адвокат Алишер Алишев хабарлады.

Сот Қасымбаевты адам ұрлау, денсаулыққа ауыр зиян келтіру және қорқыту баптары бойынша кінәлі деп танып, оған 12 жыл бас бостандығынан айыру жазасын тағайындады.

2024 жылы Алматы облысының Талғар ауданында 16 жастағы Шерзат Полат кісі қолынан қаза тапты. Бірнеше айдан кейін Шерзат Полаттың ағасы Нұрғанат Ғайыпбаевтың денесі табылды.

Шерзат Болатты өлтірген қылмыскерлер Талғардағы «Хутор» ұйымдасқан қылмыстық тобының мүшелері деген ақпарат тарады. Хасан Қасымбаев бұл топтың жетекшісі танылды.

2025 жылдың маусым айынла Шерзаттың ісі бойынша сот үкімі шығып, тоғыз адам бас бостандығынан айырылды.

Бас айыпталушы Абзал Шынасыл ҚР Қылмыстық кодексінің 99-бабы (Адам өлтіру), 293-бабы (Бұзақылық) және 24-бабы (Қылмысқа дайындалу) бойынша кінәлі деп танылып, 23 жылға бас бостандығынан айырылды.

Шілде айында Шерзат Полаттың ісі бойынша айыпталғандардың бірі – 16 жастағы Думан Ысқақ бостандыққа шықты.

Автор

  • Мақсұт Нәрікбаев атындағы Қазақ гуманитарлық университетінің Халықаралық журналистика факультетінің 2-курс студенті. 2025 жылдан бастап Sarapshy.info сараптамалық ақпарат агентігінің медиа-редакторы қызметін атқарады.

    Барлығын қарау
Бөлісу

Оқи отырыңыз...