5 тамыз күні Орал қаласындағы «Адал» сауда үйі маңында, Әбубәкір Кердері көшесінде ағаш құлап, жол бойында тұрған үш автокөлікке зардабы тиді. Ағаштың құлауына күшті жел әсер еткен.
Орал қаласы әкімдігінің ақпараты бойынша бір автокөлік бұзылып, оның иесі жергілікті полиция қызметіне шағым түсірді. Қалған екі көлікке елеулі зиян келмеген.
Оқиға салдарынан адамдар зардап шеккен жоқ.
«Қауіпсіздік мақсатында ағаштарды кесу және тазалау жұмыстары жедел түрде атқарылып, “Нұртем” ЖШС мердігер мекемесі тарапынан аталған мекенжайдағы қауіпті ағаштар толықтай алынып тасталынды», — деп хабарлады қала әкімдігінің баспасөз қызметі.
