31 шілдеден бастап елімізде ұлттық ауыл шаруашылығы санағы басталды. Бұл туралы Ұлттық статистика бюросы хабарлады.
Санақ онлайн форматта 31 тамызға дейін жалғасады. Азаматтар электронды сауалнаманы sanaq.gov.kz сайтында немесе eGovMobile қосымшасы арқылы толтыра алады.
Сауалнама екі бағытта жүргізіледі: бірі – агрокәсіпорындарға, екіншісі – бау-бақша өсіретін немесе мал ұстайтын үй шаруашылықтарына байланысты.
Санақ ауыл шаруашылығының барлық саласын қамтиды. Тізімде жер мен техниканы пайдалану, жұмыс күші, өнімді сату және тағы басқа бағыттар бар.
Интернет желісі нашар ұстайтын аумақтардың тұрғындары үшін 2684 өзіне-өзі қызмет көрсету пункті ашылды. Ал тәулік бойы жұмыс істейтін 1446 байланыс орталығы кез келген сұрақ бойынша кеңес береді.
Бюро барлық деректердің құпия сақталатынын және полиция органдары мен мемлекеттік мекемелерге берілмейтінін атап өтті.
фото: freepik.com
