2025 жылы Батыс Қазақстан облысының тұрғындары БЖЗҚ-дан тұрғын үй мен ем алу мақсатында зейнетақы жинағынан 70 миллиард теңге көлемінде қаражат алды. Бұл туралы «Бірыңғай жинақтаушы зейнетақы қоры» АҚ Sarapshy.info редакциясына хабарлады.
БЖЗҚ мәліметінше, өңірдің зейнетақы жинағын пайдалану көрсеткіші республикалық деңгейдің шамамен 3,4 пайызын құрайды.
Былтыр батыс қазақстандықтар қорға қаржысын шешу бойынша 75212 өтініш жолдады.
Тұрғын үй жағдайын жақсарту мақсатында 55861 өтініш қанағаттандырылып, 27 млрд 756 млн теңге пайдаға асты.
Медициналық қызметтерге Батыс Қазақстан облысынан 19 352 өтініш түсіп, 15 млрд 198 млн теңге бағытталды. Оның ішінде 13 млрд 710 млн теңге стоматологиялық қызметтерге, 985 млн теңге офтальмологиялық емге, ал 291 млн теңге пластикалық оталарға жұмсалған.
Айта кетейік, таяуда елде зейнетақы жинақтарын заңсыз шешуге қатысқан 42 стоматологиялық клиникаға іс қозғалды.
Өткен жылы Денсаулық сақтау министрлігі стоматологияларға біржолғы зейнетақы төлемдерін пайдалануды шектеу туралы бұйрық жобасын қоғамдық талқылауға шығарды. Шоттағы қаражатқа офтольмалогиялық ем алуға және пластикалық операция жасауға да тыйым салынды.
