Фейсбук пен Инстаграм және Whatsapp арқылы әйелдердің 58 жастан зейнетке шығатыны туралы сүйінші сұраған скрин сурет кеңінен таралды. Скринде президент суретінің тұсында «ПЕНСИЯ 58 ЖАС» деп үлкен шрифтпен көрнекі етіп жазылған.
Осы ақпаратты тексеріп көрдік:
Бұл ақпарат — ютубтағы ХАЛЫҚ ONLINE арнасының өнімі, «СҮЙІНШІ! ПЕНСИЯ ӘЙЕЛДЕР 58 ЖАС! МЫНАНЫ ЕСТІП! БҮКІЛ ЕЛГЕ ТАРАТЫҢЫЗДАР! — YouTube» деп аталатын видеоролик.
Тақырыбы: СҮЙІНШІ! ПЕНСИЯ ӘЙЕЛДЕР 58 ЖАС! МЫНАНЫ ЕСТІП! БҮКІЛ ЕЛГЕ ТАРАТЫҢЫЗДАР!
Видеороликте белгісіз автор әйелдердің 58 жасқа дейін төмендету туралы бұл бастаманы «Қазақстан халық партиясы» ұсынғанын хабарлайды. Бірақ роликтің соңында тақырыптан ауытқып кетеді.
«ҚР зейнетақымен қамсыздандыру туралы» заңының 11-бабында әйелдерге зейнетақының 2022 жылдың 1 қаңтарынан бастап, 60,5 жаста тағайындалатыны көрсетілген. Жалпы 2018 жылдан бері Қазақстанда зейнетке шығу жасы өсіп келеді. Министрліктің баспасөз қызметі де зейнеткерлік жастың өзгертілуі туралы мәлімдемені терістеді. Қазіргі заңға сай, ерлер зейнетке 63 жастан, әйелдер 59,5 жастан шығады. Зейнетке шығу 2027 жылға қарай 63 жасқа дейін осылай арта береді.
Үкім: жалған
Еркін Карин
#түркітілдесжурналистерқоры
