Қыркүйекте тұрғын үй үшін зейнетақы жинағынан біржолғы төлем алуға түскен 39,1 мың өтініш қаралған. БЖЗҚ-дан алынған жалпы қаржы сомасы 37,1 млрд теңгені құрады.
Өтініштердің түсуі шілдеден кейін үш ай бойы шамамен бір деңгейді сақтап отыр.
«Бір айдағы өтініштердің шамамен 85%-ы ипотеканы жартылай өтеумен не тұрғын үй жинақ шотын толықтырумен байланысты», — деп жазды Data Hub.
Зейнетақы жинағынан қаржы алу сомасына келетін болсақ, ол шілдедегі 45,1 млрд теңгеге дейінгі күрт өсімнен артта. Алайда тамыздағы деңгейімен шамалас, сондай-ақ бірінші жартыжылдықтағы орташа мәннен 88%-ға жоғары.
Зейнетақы жинағынан алынған 37,1 млрд теңгенің 37%-ы тұрғын үй сатып алуға жұмсалған.
Ал емделуге алынған қаражат көлемі 11 млрд теңгені құрады. Бұл қаңтар-маусым деңгейінен 15%-ға жоғары. Бірақ шілде айына қарағанда 2,3 есе төмен.
Айта өтсек, 2021 жылдан бері БЖЗҚ салымшылары жинақтарының бір бөлігін тұрғын үй сатып алуға және білім алу мен емделуге пайдалана алады.
Осы жылғы шілдеде қазақстандықтардың зейнетақы қорынан қаражат алуы жиілеген еді. Бұған жинақтағы ақшаны ерте шешіп алу мүмкіндігін тоқтату туралы мәселенің талқылануы себеп болуы мүмкін. Аталған айда 62 мың адам қордан жалпы құны 72,1 млрд теңге шешіп алған. Бұл маусым айымен салыстырғанда 64 пайызға көп болды.
Ресми мәліметке сүйенсек, ел тұрғындары жарты жыл ішінде БЖЗҚ-дан 200 млрд теңгеге жуық ақша алды. Қаражаттың шамамен 60%-ы тұрғын үй үшін алынған. Былтырғы I-ші тоқсанмен салыстырғанда қаражат алудың жалпы сомасы 2,6 есе, өтініштер саны 3,7 есе өсті.
Сурет: pixabay.com
