Қытай шекарада кептеліп тұрған 3000 вагонға байланысты Қазақстаннан астық импорттауды уақытша тоқтатты. Бұл туралы ҚТЖ баспасөз қызметі хабарлады.
Қытай соңғы айда шекарадан тәулігіне 10 пойыз өткізумен шектелген, ал кей күндері бұл көрсеткіш 6-ға дейін азайған.
Қазір Қытайдың уәкілетті органдары астық өнімдерін тексеру үшін Үрімші мен Бейжің зертханаларында талдау өткізіп жатыр. Бұл процесс 5-тен 10 тәулікке дейін созылады.
Инфрақұрылымның тұрақты жұмысын қамтамасыз ету мақсатында компания тәулігіне үш пойыз өткізіп, уақытша шектеу қабылдап отыр.
Айта кетейік, таяуда Ресей ауыл шаруашылығы бақылау қызметінің басшысы Сергей Данкверт Қазақстанды санкция тізіміндегі тауарларды экспорттағаны үшін айыптады.
фото: ҚТЖ
