Қазақстанда салықтық және кедендік әкімшілендіруге жүргізілген мемлекеттік аудит бұл бағыттағы жұмыстың тиімділігі төмен екенін көрсетті. Бұл туралы Жоғары аудиторлық палата отырысында айтылды.
Аудиторлар тәуекелдерді басқару жүйесі (ТБЖ) негізінде жүргізілетін тексерулердің нәтижесі жоспардан тыс тексерулерге қарағанда айтарлықтай әлсіз екенін мәлімдеді. Мәселен, ТБЖ арқылы іріктелген 900-ден астам кәсіпорыннан небәрі 46 млрд теңге қосымша есептелген. Сондай-ақ, жоспарлы тексерулерден кейін салық төлеушілердің 97%-ы II жартыжылдық жоспарына кірмеген.
Кедендік тексерулер де ұқсас жағдайда – 70% салық тек бір қатысушыға тиесілі.
Импорттық тауарларға қатысты да жүйелік кемшіліктер бар. Түркиядан келген 145 млн долларлық киім-кешек өнімдері үшін ұсынылған 150 сертификаттың 104-і ресми тізілімде тіркелмеген.
Бұдан бөлек, ірі салық төлеушілердің мониторынгы да нәтиже бермеді: барлығы 354 кәсіпорынның алтауынан 643 млн теңге өндірілді.
фото: pexels.com
