Маңғыстау облысы Түпқараған ауданы Баутино ауылының тұсындағы Каспий жағалуынан ондаған балық өлі күйінде табылды. 7 маусым күні желі қолданушысы осы жайт жөнінде бейнежазба таратты.
Жайық-Каспий облысаралық бассейндік инспекциясы мен обылстық экология департаменті, Акваультура және балық шаруашылығы қауымдастығы өкілдері Аташ пен Баутино ауылдары тұсында балықтардың жағаға күшті толқынның салдарынан шығып қалғанын анықтады.
«Жағалаудан барлығы 40-қа жуық жас балық жиналды. Бастапқы мәлімет бойынша өлімге су температурасының күрт көтерілуі және соның салдарынан судағы еріген оттегінің деңгейінің төмендеуі себеп болды. Каспий теңізі жағалауында мониторинг жалғасуда. Бұл жағдай Жайық-Каспий бассейндік ипсекциясының бақылауында», — деп хабарлады Қазақстан Республикасы Ауыл шаруашылығы министрлігінің Балық шаруашылығы комитеті.
фото: АШМ
