Маңғыстау облысының Бейнеу ауданында патрульдік полиция машинасы жеңіл автокөлікпен соқтығысты. Екінші машинаны кәмелетке толмаған бала айдап келе жатқаны анықталды, деп хабарлады облыстық полиция департаменті.
Оқиға 25 қараша күні түнгі сағат 02:00-де болды. Бейнебақылау камералары патрульдік көліктің қиылыстан шығып келе жатып Toyota Camry автокөлігімен соқтығысқан сәтін тіркеген.
Желі қолданушылары полиция қызметкерінің қосалқы жолдан шығарда жолдың қауіпсіз екеніне көз жеткізбеген болуы мүмкін екенін айтып отыр.
Жарақат алғандар жоқ. Жасөспірімнің ата-анасы кәмелетке толмаған балаға көлік айдауға рұқсат бергені үшін әкімшілік жауапкершілікке тартылды.
Маңғыстауда полиция көлігі соғылған Toyota-ны жасөспірім жүргізген
