Қазақстан Каспий құбыр консорциумына жасалған шабуылдың салдарынан 480 мың тонна мұнай жоғалтты. Бұл туралы энергетика министрі Ерлан Ақкенженов хабарлады.
Ақкенженовтың айтуынша, дрон шабуылы мұнай өндірісіне елеулі залал келтірген. Алайда министрлік консорциум мұнай өндіру жоспарын толық орындауға мүдделі екенін жеткізді.
Айта кетейік, шабуылдан кейін желтоқсанның алғашқы екі күнінде Қазақстанның мұнай және газ конденсатын өндіру көлемі 6%-ға азайды.
Жөндеу жүргізіліп жатқан үшінші айлақ қондырғысы 15 желтоқсанға дейін іске қосылады. Қазір Ресейдің Новороссийск портына жақын орналасқан терминалда тек бір құрылғы жұмыс істеп тұр. Сарапшылардың айтуынша, мұнай тасымалдауға бір ғана айлақ нүктесін қолдану терминалдың жүктеу қуатын аптасына шамамен 900 мың тоннаға азайтады.
фото: istockphoto.com
