ҚР Энергетика министрлігінің хабарлауынша, қаңтар-қазан айында мұнай-газ-химия өнімдерін өндіру көлемі 460,7 мың тоннаға жеткен. Бұл көрсеткіш өткен жылдың 10 айымен салыстырғанда әлдеқайда көп. 2023 жылдың дәл осы кезеңінде 269 мың тонна болған.
Осы орайда, министрлік 2024 жылы барлық сала бойынша өсім болғанын хабарлады:
- метил-терт-бутил эфирі – 37,3 мың тонна немесе өткен жылдың сәйкес кезеңімен салыстырғанда 14,6%-ға артық (2023 ж. – 33,1 мың тонна);
- полипропилен – 241 мың тонна, өсім – 56% (2023 ж. — 154,1 мың тонна);
- бензол – 26,6 мың тонна, өсім – 33% (2023 ж. — 20 мың тонна);
- параксилол – 109,4 мың тонна, 6 есе ұлғайды (2023 ж. – 17,8 мың тонна);
- майлау материалдары – 46,2 мың тонна, өсім – 5,2% (2023 ж. – 43,9 мың тонна).
Жоғарыда аталған мұнай-газ-химия өнімдері ЕО, ТМД, Қытай, Түркия, Ресей елдеріне экспортталған. Сондай-ақ салада қуаттылығы жылына 305 мың тоннаға дейін бутадиен және оның туындыларын, полиэтиленді өндіру бойынша жобалар іске асырылып жатқанын айтты. Жобалардың көлемін 2030 жылға дейін жылына 1 250 мың тоннаға жеткізу көзделіп отыр.
Сурет: batys.info