11 мамыр күні Ресей дрондары Украинаға шабуыл жасады. Киев РФ тарабы 108 қондырғы ұшырғанын хабарлады. Украинаның әуе-әскери қорғаныс күші 60 дронды атып түсірген. 41 ұшқышсыз ұшатын аппарат нысанаға жетпей, жоғалған. Брянск, Киевск, Ростовск облыстарында, Краснодар өлкесінде. Ресей бақылауындағы Запорожск облысында, Қырым аумағында дрондардың ұшырылғаны байқалды.
Дрон шабуылынан екі тұрғын жараланды. Обуховск ауданында жер үйлер өртенді. Соңғы тәулікте Харковск және Донецск облыстарында кем дегенде бес адам жараланды.
Путин жексенбіге қараған түні 15 мамыр күні Ыстанбұлда келіссөз жүргізуге дайын екендерін мәлімдеді. 2022 жылы Ресей-Украина диалогы осы қалада үзіліп қалған.
«Киев билігіне 2022 жылдың аяғында өздері үзіп тастаған келіссөздерді қайта бастауды ұсынамыз. Мен, баса айтамын, тікелей келіссөздерді ешқандай алғышартсыз өткізу керек. Келесі бейсенбіде, 15 мамырда Ыстанбұлда бастауды ұсынамыз. Бұрын қайда өтті және қайда тоқтады, міне, сол жерде», – деді Путин.
Кремль жексенбіде РФ басшысы мен Түркия президенті Ердоған Режеп телефон арқылы сөйлескенін хабарлады. Түркия тарапы диалог алаңын ұсынуға дайын.
Сенбі күні Франция, Ұлыбритания, Германия және Польша президенттері Украинада бас қосты. Еуропа көшбасшылары Зеленскиймен бірге 12 мамырдан бастап 30 күн бойы атысты тоқтатуды ұсынды. Бұл ұсынысты АҚШ президенті Дональд Трамп қолдаған. Егер бұл ұсынысты Путин елемесе, Еуроодақ пен АҚШ санкцияны күшетпек.
Путин 9 мамыр күні қарсаңында Украина шабуылын тыймады деп мәлімдеді. Бірақ 12 мамырдан бастап бір айға атысты тоқтату жөнінде жақ ашпады.
Фото: Gleb Garanich/REUTERS
