БҚО тарихи-өлкетану музейінің басшысы қызметіне Жантас Сафуллин тағайындалды. Бұл жөнінде облыстық музейдің баспасөз қызметі хабарлады.
Ж. Сафуллин 1982 жылы 6 тамызда БҚО Қаратөбе ауданының Егіндікөл ауылында дүниеге келген.
2003 жылы Қазақ мемлекеттік заң университетін, 2018 жылы Еуразия академиялық халықтар достығы Ресей университетін тәмамдаған.
Жантас Набиоллаұлы еңбек жолын Қ. Жұбанов атындағы Ақтөбе мемлекеттік университетінің заң факультетінде азаматтық құқықтар кафедрасында мұғалім болудан бастады. 2010-2018 жылдары «Жайық Пресс» ЖШС-ның бас директоры болды. Одан кейін Батыс Қазақстан мәдениет және археология орталығын басқарды.
Қоғам белсендісінің бастамасымен «Dana.kaz» тарихи-танымдық журналы жарыққа шықты.
Жантас Нәбиоллаұлы Орал қалалық мәслихатының депутаты болды.
Облыстық музейді басқарған М.Ерсаев «Жайық қалашығы тарихи-мәдени музей-қорығы» мемлекеттік коммуналдық қазыналық кәсіпорны директоры лауазымына тағайындалды.
