БҚО энергетика және тұрғын үй-коммуналдық шаруашылық басқармасының басшысы болып Бейімбет Мусин тағайындалды.
Бейімбет Мәлікұлы 1985 жылы БҚО-дағы Ақжайық ауданында дүниеге келген.
Жәңгір хан атындағы БҚАТУ-да «Ауыл шаруашылығын электрлендіру және автоматтандыру», Батыс Қазақстан инженерлік-гуманитарлық университетінде «Экономика» мамандығы бойынша білім алды. «Болашақ» халықаралық стипендиясы бойынша «Электр энергетикасы және тұрақты энергетика» мамандығы бойынша магистратураны шетелден тәмамдаған. ҚР Президенті жанындағы Мемлекеттік басқару академиясында «Мемлекеттік басқару» мамандығы бойынша оқыды.
БҚО энергетика және ТҮКШ басқармасы энергетиканы дамыту бөлімінің, Алматы қаласы энергетика және коммуналдық шаруашылық басқармасы перспективті даму бөлімінің бас маманы болды.
Кейінгі жылдары БҚО энергетика және тұрғын үй-коммуналдық шаруашылық басқармасының бөлім басшысы және басқарма басшысының орынбасары қызметін атқарды.
