13-14 желтоқсан күндері Батыс Қазақстан облысында боран салдарынан электр, су және тұрғын үй инфрақұрылымында ақау анықталды. Бұл туралы облыстық энергетика басқармасының басшысы Бейімбет Мусин хабарлады.
Облыстың алты ауданында шамамен 16 мың абонент жарықсыз қалды. Электр қуаты Ақжайық, Бөкей ордасы, Тасқала, Бәйтерек, Жәнібек және Қазталов аудандарында сөнді.
Қазіргі кезде Бөкей ордасы, Жәнібек және Қазталов аудандарының 16 ауылында қалпына келтіру жұмыстары жалғасып жатыр. Әлі 3641 абонент электр жарығынсыз отыр.
Оқыңыз:
БҚО-да электр желісі 86% тозған: компания тағы да тариф көтеруді ұсынады
Бөкей ордасы ауданында қосымша су мұнарасы құлаған. Жаңақала ауданының төрт ауылында 3 490 тұрғынға су жеткізетін нысан істен шықты.
Айта кетейік, 14 желтоқсанда қатты боранның салдарынан Тасқала ауылында жатақхана шатыры ұшып кетті.
