Батыс Қазақстан облысының Бөкей ордасы ауданында қолайсыз ауа райына байланысты төтенше жағдай жарияланды. Бұл туралы БҚО әкімдігінің баспасөз қызметі хабарлады.
13-14 желтоқсан күндері аудан аумағында қатты боран ұйытқып, соның салдарынан 5 тұрғын үй мен 4 әлеуметтік нысанның шатырлары ұшқан.
13 желтоқсанда Сайқын ауылында аудандық білім бөлімі ғимаратының шатыры бұзылды. Келесі күні Саралжын ауылында мектеп шатырының бір бөлігі құласа, Бисен ауылында мектеп қазандығының шатырына нұқсан келді.
Әкімдіктің мәліметінше, Саралжын ауылындағы Қ.Сағырбаев атындағы орта мектепке келген шығын 18 млн теңгені құраса, аудандық білім беру бөлімі ғимаратына 24 млн теңгеге жетеді.
Боран кезінде аудан тұрғыны Е.Қажығалиев Далбын қыстағы маңында адасып, қаза тапқан.
Облыста үскірік аяз кезінде төрт адам көз жұмды.
фото: freepik.com
