14 желтоқсанда Батыс Қазақстан облысында қолайсыз ауа райы салдарынан бірқатар ғимараттың шатыры жерге ұшып түсті. Бұл туралы жергілікті жергілікті басылым хабарлады.
Айта кетейік, 14 желтоқсан күні БҚО-да қолайсыз ауа райының салдарынан көлік жолдарында қозғалыс уақытша шектелді.
Өңірде көктайғақ, бұрқасын, қатты қар мен тұман бүркіп, желдің екпіні 23-28 м/с-қа дейін жетті.
Тасқала ауданында боран салдарынан жатақхананың шатыры ұшып кеткен. Әкімдіктің мәліметінше, 60 бөлмелі жатақхананы жөндеу жұмысы 15 желтоқсанда басталады.
13 желтоқсанда Бөкей ордасы ауданының Сайқын ауылында аудандық білім бөлімі ғимаратының шатыры бұзылды. 14 желтоқсанда Саралжын ауылында мектеп шатырының бір бөлігі құлап, Бисен ауылында мектеп қазандығының шатырына зақым келген.
фото: istockphoto.com
