Бұл ақпаратты sarapshy.info агенттігіне Батыс Қазақстан облыстық білім басқармасы берді.
2021-2022 оқу жылында БҚО-да 379 білім беру ұйымы жұмыс жасауда. Оның 363-і жалпы білім беретін, 5-еуі мамандандырылған, 3-еуі арнайы, 3-еуі кешкі, 5-еуі жеке мектеп.
Облыста 250 қазақ тілінде, 26 орыс тілінде оқытатын және 103 аралас тілді мектеп бар. Осы оқу жылында орыс тілінде оқытатын 9 мектепте қазақ сыныптары ашылды.
Бес жеке мектептің екеуі – бастауыш, үшеуі – орта мектеп. Оларда 789 оқушы білім алуда. Философиялық бағыттағы жеке орта мектеп оқушы болмауына байланысты оқу процесін тоқтатқан.
БҚО-дағы жалпы оқушылар саны – 114 496. 76 611 оқушы қазақ тілінде (67%), ал 37 885 оқушы орыс тілінде білім алады.
Нұрлыбек Рахманов,
sarapshy.info
