Батыс Қазақстан облысы Ақжайық аудандық ауруханасында 700-ден астам диспансерлік есептегі науқасқа тегін дәрі-дәрмек уақтылы берілмеген.
Заңбұзушылықты Ақжайық ауданының прокуратурасы анықтады. Талдау барысында науқастардың тиісті дәрілерге ұзақ уақыт бойы қол жеткізе алмағаны белгілі болды.
«Прокуратураның қадағалау шаралары негізінде дәрі-дәрмекпен үздіксіз қамтамасыз ету ұйымдастырылып, оларды алуға алдын-ала тапсырыс берілді», — делінген хабарламада.
Биыл жыл басында дәріні қымбатқа сататын кәсіпкерлерге салынатын айыппұл мөлшері көбейді.
Қазақстанда жылына екі рет Денсаулық сақтау министрлігі мен монополияға қарсы орган дәрілік заттардың бөлшек және көтерме бағасының шекті деңгейін бекітеді.
\
Сурет: Pexels.com
