2025 жылы Қазақстанда рейстері ең жиі кешігетін әуе компаниясы FlyArystan атанды. FlyArystan рейстерінің 25%-ы жолға уақытынан кеш шығады. Бұл туралы Азаматтық авиация комитеті хабарлады.
Антирейтингтің екінші және үшінші орнында SCAT пен AirAstana әуе компаниялары тұр. Олардың уақтылы ұшатын рейстерінің көрсеткіші 78%-ды құрады. Ал Vietjet Qazaqstan компаниясы рейстерінің 84%-ы уақытында ұшып-қонған.
Өткен жылы елде 101 151 рейс ұшса, оның 22 383-і кешіккен. Әуе компанияларының уақтылы ұшу көрсеткіші 78%-ды құрады, бұл алдыңғы жылмен салыстырғанда 3%-ға жоғары.
Былтыр кей рейстер 39 сағатқа дейін кешіккен. Сондай-ақ жолаушылар мен жүк тасымалы ережелерін бұзғаны үшін әуе компанияларына жеті әкімшілік хаттама толтырылып, 2,8 млн теңге көлемінде айыппұл салынған.
Айта кетейік, 2025 жылы елде рейстердің кешігуіне және әуе кемелерінің мәжбүрлі қонуына байланысты бірнеше оқиға тіркелді. 12 қазанда QazaqAir компаниясының ұшағының дөңгелегі өртеніп, борт жедел қонуға мәжбүр болды.
18 желтоқсанда Air Astana әуе компаниясының Алматы – Бангкок бағытындағы рейсі техникалық ақауға байланысты шұғыл Дели қаласына қонды.
Оқи отырыңыз: Қазақстанда әуе рейстерінің кешігуі жиіледі
фото: freepik.com
