«Қазақмыс» корпорациясы өнеркәсіптегі қауіпсіздік пен еңбекті қорғау шараларын тексеру үшін 12 кеніш пен 4 фабриканың жұмысын уақытша тоқтатады.
Кеше, 19 наурызда Ұлытау облысы Шығыс Жезқазған кенішінің № 57 шахтасында бір кенші қаза тапты. 1994 жылғы жұмысшы жүк түсіріп жатқан кезде жыраға құлап кеткен. Соның салдарынан жұмысшы оқиға орнында көз жұмған. Бұл туралы компанияның баспасөз қызметі хабарлады.
Бұл «Қазақмыс» шахталарында болған алғашқы қайғылы жағдай емес. Шамамен бір ай бұрын «Жомарт» кенішінде орын алған апат салдарынан жеті жұмысшы қаза болған еді. Қазір Жомарт кенішінде тексеру жұмыстары жалғасып жатыр.
«Қазақмыс» өндіріс орындарындарына тиесілі уақытша жұмысын тоқтататын кеніштер мен фабрикалар:
20 наурыз — Шығыс Жезқазған, Абыз, Саяқ, Қоңырат кеніштері; Нұрқазған, Қарағайлы, Балқаш байыту фабрикасы, құрылыс-монтаждау басқармасы, энерго-жөндеу мамандандырылған басқармасы.
21 наурыз — Оңтүстік Жезқазған, Ақбастау, Қажықонған, Шатыркөл, Жайсаң кеніштері.
22 наурыз — Батыс Жезқазған кеніші.
23 наурыз — Жыланды кеніші.
24 наурыз — Жезқазған байыту фабрикасы.
Сурет: Pexels.com
