Үкімет комиссиясы «Қазақмыс» корпорациясына тиесілі кеніште болған қайғылы оқиғаның алдын ала тергеу нәтижелерін жариялады.
Ресми мәліметке сәйкес, шахтада метан газы жиналып, кейіннен электр жабдықтарынан шыққан ұшқыннан жарылыс болған. Сонымен қатар өнеркәсіп қауіпсіздігі пен еңбекті қорғау талаптарының өрескел бұзылғаны белгілі болды. Апаттың болуына жол берген жауапты қызметкерлер анықталып, тиісті шаралар қабылданатыны белгілі болды.
Қазіргі уақытта кеніште жұмыс уақытша тоқтаған. Комиссия шахтаға газ мөлшерін анықтайтын жүйе орнату, бейнебақылауды күшейту және басқа да қауіпсіздік шараларын енгізу қажеттігін талап етті.
Естеріңізге сала кетейік, 17 ақпанда Ұлытау облысындағы «Жомарт» кенішінде апат болып, жеті адамның мәйіті табылды. Компания оқиға болған күні «Тау жынысы опырылып түсті» деген мәлімдеме жасады.
«Қазақмыс» аталған оқиғадан соң соңғы үш жылда жұмысшылардың қауіпсіздігін қамтамасыз ету үшін 87 миллиард теңгеден көп қаражат бөлгенін айтты. Ал 2025 жылы бұл мақсатқа тағы 38 миллиард теңге жұмсауды жоспарлап отыр.
Сурет: Ашық дереккөзден
