Бүгін, 10 ақпанда қолайсыз ауа райы салдарынан Астананың халықаралық әуежайында 18 рейс кешіктірілді. Бұл туралы әуежайдың баспасөз қызметі хабарлады.
Бүгін 72 ұшақ жолға шығып, 74 рейс ұшып келеді деп жоспарланған. Қазіргі кезде Астанаға келетін 8 рейс, ұшып кететін 10 рейс кешігіп жатыр.
Рейстер мұз тазалау жұмыстарына байланысты шегерілген.
Айта кетейік, 2025 жылы ең жиі кешігетін әуе компаниясы FlyArystan атанды. Компания ұшақтарының 25%-ы жолға уақытынан кеш шыққан.
фото: freepik.com
