Қарағанды облыстық экология басқармасы «Топар БЭТС» ЖШС-на айыппұл салды.
«Күл үйіндісін қалпына келтіру (№ 4Б секция) алаңның 53% -ын экологиялық рұқсатсыз және мемлекеттік сараптаманың оң қорытындысынсыз жүргізілгені анықталды», — деп хабарлады басқарманың баспасөз қызметі.
Мамандандырылған табиғат қорғау прокуратурасы басқармаға жоспардан тыс тексеру жүргізуді тапсырған. Әкімшілік кұқық бұзушылық туралы кодекстің 328-бабының 1-бөлігі және 332-бабының 1-бөлігі бойынша басқарма ЖШС-дан 55,7 млн теңге айыппұл өндірді.
Бұған дейін Топар ауылының тұрғындары Топар бас энергия тарату станциясының күл аралас шаңға бөктіргенін айтып шағымданған.
«Топар ГРЭС» Қарағанды облысындағы Топар ауылынан 3 шақырым қашықтықта орналасқан. Электр станциясы 1968 жылы қыркүйекте толық пайдалануға берілген. Аталған кәсіпорын Абай қаласы мен Топар кентін электр қуатымен және жылумен қамтамасыз етеді.
Станция Kazakhmys Еnergy компаниясына тиесілі.
фото: kazakhmys.kz
