Сауд Арабиясында биыл 347 адам өлім жазасына кесілді. Бұл өткен жылдармен салыстырғандағы ең жоғары көрсеткіш. Бұл туралы BBC агенттігі хабарлады.
Биыл өлім жазасына кесілгендердің ең көбі есірткіге қатысты қылмыстар үшін айыпталған. Сонымен қатар елде бір журналист, кәмелетке толмаған екі жасөспірім және бес әйел өлім жазасына кесілді.
2024 жылы елде 345 адам өлім жазасына кесілген.
Атылғандардың жартысынан көбі шетел азаматтары болған.
Сауд Арабиясының билігі аталған жағдайға қатысты ресми түсініктеме берген жоқ. Human Rights Watch ұйымының мәліметінше, елде адам құқықтарының ахуалы әлі де толық қорғалмаған.
Соңғы жылдары өлім жазасын қолдану саны бойынша Сауд Арабиясынан тек Қытай мен Иран ғана алда тұр. Таяуда Қытайдың бұрынғы Спорт министрі жемқорлық үшін ату жазасына кесілді.
Өлім жазасы әлемнің 50 елінде заңдастырылған, ал іс жүзінде оны 15-20 ел ғана қолданады. 2024 жылы ату жазасына 1518 адам кесілген, бұл 2023 жылғы көрсеткіштен 32%-ға көп.
фото: istockphoto.com
