Қытайдың бұрынғы спорт министрі Гоу Чжунвэнь пара алғаны және лауазымын асыра пайдаланғаны үшін шартты түрде өлім жазасына кесілді. Бұл туралы China Daily агенттігі хабарлады.
2009-2024 жылдар аралығында мемлекеттік қызметте болған Гоу Чжунвэнь коммерциялық жобалар арқылы 236 млн юань көлемінде пара алған.
Ол 2012-2013 жылдары Бейжің мэрі орынбасары лауазымын атқарып жүріп, жобалардың бірін сатып алу барысында өкілеттігін асыра пайдаланып, мемлекетке айтарлықтай шығын келтіргені үшін де кінәлі деп танылды.
Гоу Чжунвэньнің заңсыз жолмен тапқан барлық мүлкі мемлекетке қайтарылады.
Қытай заңнамасы бойынша шартты өлім жазасы екі жыл ішінде басқа құқықбұзушылық жасалмаған жағдайда өмір бойына бас бостандығынан айырумен алмастырылады, алайда сот Гоудың ісінде жазаны жеңілдетуге немесе мерзімінен бұрын босатуға негіз жоқ екенін атап өтті.
фото: Jin Liwang/Xinhua/Global Look Press
