Air Astana әуе компаниясы 12 жасар қызын Алматы әуежайында рейстен тастап кеткен Жазира Мусинаға 5 миллион теңге моральдық өтемақыны төлейтін болды. Әуе компаниясының аппеляциялық шағымын Алматы қаласының Түрксіб аудандық соты қабылдамады. Бұл туралы «Реплика адвоката» телеграм арнасы жазды.
«Алматы қаласының Түрксіб аудандық сотының шешіміне қатысты Air Astana компаниясының апелляциялық шағымын қарау аяқталды. Тасымалдаушы моральдық өтемақыны 5 миллион теңгеден 1,5 миллион теңгеге дейін төмендетуді сұраған.
Алматы қалалық сотының сот алқасы апелляциялық шағымды қанағаттандырудан бас тартып, бірінші сот шешімін өзгеріссіз қалдырды. Бұл дегеніміз, баланың анасы бұрынғы сот шешімі бойынша 5 миллион теңге моральдық өтемақы алады», — делінген хабарламада.
Отбасының жеке адвокаты Данильхан Шағатаев бұл жағдайдың шешілуіне қоғамдық талқылаудың әсері болғанын айтады. Оның сөзінше, Жазира Мусина әлеуметтік желіге жазба жарияламас бұрын әуекомпаниясына шағым жолдаған. Алайда компания ұзақ уақыт жауап бермеген. Тек Зеренің анасы әлеуметтік желіге жазба жариялаған соң назар аударған.
Естеріңізге сала кетейік, 2024 жылы 20 шілдеде шет елден келе жатқан егіз қыздардың бірі Зерені FlyArystan компаниясы Астанадан Оралға ұшуы тиіс рейсіне жібермей, бортқа кіргізбеген. 12 жасар қызды әуежайда жалғыз қалдырып кеткен. Анасының сөзінше, оның барлық құжаттары дұрыс болған. Екі қыздың анасы Жазира Мусина осы оқиғадан соң сотқа шағымданып, моральдық өтемақы үшін 5 млн теңге талап етеді.
Осыған дейін Air Astana әуе компаниясы Зере есімді қыздың «Астана-Орал» рейсіне жіберілмегені үшін тағайындалған 5 млн теңге моральдық өтемақыны 1,5 млн теңгеге дейін азайтуды сұраған болатын.
Cурет: Air Astana
