2025 жылдың қаңтар айында Қазақстандағы екінші деңгейлі банктер 228,5 млрд теңге таза пайда тапты. Бұл қаржының басым бөлігі елдегі екі ірі банк — Halyk Bank пен Kaspi Bank-ке тиесілі болды. Бұл туралы Курсив ақпараттық агенттігі Ұлттық банкке сілтеме жасап хабарлады.
Ұлттық банктің мәліметінше, бірінші кезекте 2025 жылдың алғашқы айында Halyk Bank 83,4 млрд теңге таза пайда тапқан. Содан соң тізіміді Kaspi Bank 43,3 млрд теңгемен толықтарады. Қаңтар айында үлкен көлемде табыс тапқан, 32,1 млрд теңгемен БанкЦентрКредит түйіндеді.
Қаржылық көрсеткіші жоғары банктер қатарында Forte Bank (13,9 млрд теңге), Jusan Bank (13,9 млрд теңге), Отбасы банк (9,4 млрд теңге), Еуразиялық банк (9,1 млрд теңге), Bank RBK (5,2 млрд теңге) бар.
Жылды сәтсіз бастаған банктер де бар. 2025 жылдың қаңтарында «Фридом Банк Қазақстан» 15,6 млрд теңге шығынға батқан. Бұл өткен жылдың дәл осы айындағы 3 млрд теңге таза пайдасымен салыстырғанда айтарлықтай төмен көрсеткіш.
Сонымен қатар, «Нұрбанк» пен «Ситибанк Қазақстанның» таза пайдасы да төмендеген. «Нұрбанк» 642 млн теңге таза пайда тапса, «Ситибанк Қазақстан» 5 млрд теңге таза табы тапқан.
Қазақстанда қазіргі таңда 21 екінші деңгейлі банк тіркелген.
Ал Қазақстан халқының банктерге қарызы 2024 жылдың бірінші желтоқсандағы дерек бойынша, 35 трлн теңге болған.
Сурет: Pixabay
