АҚШ билігі грин-карта ойнатуды уақытша тоқтату туралы шешім қабылдады. Бұл туралы елдің Ішкі қауіпсіздік министрі Кристи Ноэм мәлімдеді.
Министрдің айтуынша, шешім Браун университетінде болған атыстан кейін қабылданған. Қайғылы оқиға кезінде екі адам қаза тауып, тоғыз студент жараланды.
Күдікті – Португалия азаматы Невеш Валенте. Ол АҚШ-қа 2000 жылы студенттік визамен келіп, 2017 жылы грин-карта ұтып алған және сол жылы АҚШ азаматтығына өтінім берген.
DV1 бағдарламасы (грин-карта) АҚШ-та 1990 жылдан бері жұмыс істеп келеді. 2024 жылды грин-картаны 2 мыңнан астам қазақстандық ұтып алды. 2025 жылғы лотереяға әлем бойынша шамамен 20 млн адам өтініш берген.
Айта кетейік, бұл визаның күшін жою бастамасын Дональд Трамп өзінің алғашқы президенттік мерзімінде көтерді.
Таяуда АҚШ билігі елге визасыз кіруді жоспарлаған шетелдіктердің әлеуметтік желілері мен жеке деректерін тексеруді қолға алады. Құжат жобасына сәйкес, өтініш берушілерден он жылдағы электронды пошта мекенжайы, отбасы мүшелері туралы толық ақпарат және соңғы бес жылдағы әлеуметтік желідегі аккаунттар тізімі сұралуы мүмкін.
фото: istockphoto.com
