18 наурыз күні Тасқала ауданында дрон құлағаны белгілі болды. Тасқала ауданының полиция бөліміне Қазақстан ауылдық округіне қарасты Атамекен ауылының тұрғындарынан хабарлама түскен. Олар Атамекен ауылынан 18 шақырым жердегі Волжанка қыстағы аумағында ұзындығы шамамен 3 метр болатын дрон табылғанын хабарлаған.
Оқиға орнына төтенше жағдайлар қызметінің мамандары, аудан әкімдігі өкілдері және полиция қызметкерлері барған.
Екінші рет құлаған дрон кімге тиесілі?
Әлеуметтік желілерде тұрғындар жариялаған суреттер мен видеоларда дронның бір қанатында сары бояумен «Герань» деген жазуды, «18358» және «С2ВКМ» таңбалары да бар.
2022 жылдан бері Иран Ресейге Shahed-136 және Shahed-131 дрондарын жеткізді деген ақпарат осыған дейін айтылып келеді. Бұл дрондар Ресейде «Герань-2» және «Герань-1» деген атаумен қолданылады.
Биыл осымен БҚО-да екінші мәрте дрон құлады. Осыған дейін 18 ақпанда Бөкей Ордасы ауданы, Ұялы ауылынан 8 шақырым жерге дрон құлаған еді. Кей деректе аппараттың Ресейдің Орлан-10 дронына ұқсайтынын жазса, бір деректе бұл Ресей аумағын атқылаған Украина дрондарының бірі болуы да мүмкін деген болжам айтылды.
Сурет видео материалдан алынды
