Бөкей ордасы ауданында дрон құлаған. Жасанды интеллект оны Ресейдің Орлан-10 дронына ұқсатты.
18 ақпанда, кешкі сағат 23:00-ден аса Бөкей Ордасы ауданы, Ұялы ауылынан 8 шақырым жерден (аудан орталығы Сайқын ауылынан 180 км қашықтықта) белгісіз нысанның табылғаны туралы дерек дрон табылған. Бұл ақпарат WhatsApp әлеуметтік желісі арқылы тарап жатыр.
Ұялы ауылының әкімі Ерлан Ермекқалиев мұны растаған жоқ, жоққа да шығармады. Нақты ақпарат бере алмайтынын айтты.
Бұған дейін Ерлан Ермекқалиевтің дауысына ұқсас дауыс WhatsApp арқылы таралған еді. Онда «әкім» Жаңақала маңында әлдебір нысан құлағанын айтқан. Әкімнің Sarapshy.info-ға берген мәліметіне қарағанда, дрон құлаған жерге облыстық төтенше жағдайлар департаменті мен арнаулы орган қызметкерлері келген.
Ұялы ауылы маңында дрон құлағанын «Просто журналистика» арнасына осы ақпаратты аудан әкімі Нұрлыбек Даумов растағаны мәлім болды.
Әлеуметтік желіге тараған кей болжамдарға қарағанда, Ұялы ауылы маңында құлаған дрон — Ресей аумағын атқылаған Украина дрондарының бірі болуы да мүмкін. Таяуда Украина Ресейді Батыс Қазақстанмен шектес аумағын дронмен атқылағанын хабарлаған.
БҚО төтенше жағдайлар департаменті мен облыстық полиция департаменті Sarapshy.info сұрағына жауап бермеді.
Батыс Қазақстан облысының Бөкейорда және Жаңақала аудандарында Ресей жалға алған әскери полигондар бар. Көрші ел сынақтан өткізетін зымыран бөлшектері жақын маңдағы ауылдарға бұған дейін бірнеше рет құлаған.
2014 жылдың наурыз айында Бөкей ордасы ауданының әкімдігі «МН-300» метеорологиялық зымыраны құлағаны туралы ақпаратты растаған.
