Вьетнамнан жолаушыларды алып келе жатқан SCAT ұшағына Шымкентке қонуға тура келді. Бұл туралы Курсив агенттігі жазды.
Әуеде ұшақ сыр берген соң, Шымкентке қонып, жанармай құйған. Бастапқы кезде бортқа күшті жел әсер етті деген болжам айтылды.
Бірақ техникалық тексеріс жүргізу барысында әуе кемесіне құс соғылғаны анықталған.
«Авиакомпания жолаушыларды қосымша ұшақпен Астанаға жеткізу керек деп шешім қабылдады. Әуе рейсі келгенше, жолаушылар қонақүйлерге орналастырылып, тамақпен қамтамасыз етілді», — делінген хабарламада.
Естеріңізге сала кетейік, 25 желтоқсан күні, таңертең Azerbaijan Airlines әуе компаниясына тиесілі Embraer 190 жолаушылар ұшағы Бакуден Грозныйға ұшу кезінде Ақтау қаласынан 3 шақырым жерде құлады. Ұшақ бортында болған 67 жолаушының 38-і қаза тапты, 29-ы Ақтаудағы ауруханаға жеткізілген еді. Әуе кемесінде болғаг Қазақстанның 6 азаматы да қаза тапты.
Sarapshy.info 2024 жылдың соңғы айы мен 2025 жылдың бірінші айында Қазақстан мен басқа елдердегі ұшақтың төтенше қонуына байланысты оқиғалардың хроникасын жасаған болатын.
Cурет: Scat.kz
