Енді елде бала асырап алған отбасылар денсаулығы, тұрғылықты жері және сотталмағаны туралы ақпаратты жыл сайын жаңартып отыруға міндеттеледі. Бұл туралы Еңбек және халықты әлеуметтік қорғау министрлігі хабарлады.
Жаңа заң нормаларына сәйкес, егер қамқоршы, қорғаншы немесе асырап алған ата-ана сотты болғаны анықталса, сондай-ақ психикалық немесе наркологиялық диспансерде есепте тұрғаны белгілі болса, олар баланы тәрбиелеу құқығынан дереу айырылады.
Сондай-ақ баланы алдымен жақын туыстарына, ондай мүмкіндік болмаған жағдайда ерлі-зайыпты отбасыларға беру тәртібі нақты бекітілді.
Құжат 2026 жылғы 4 ақпанда күшіне енеді.
Айта кетейік, Қазақстанда ата-анасының қамқорлығынсыз қалған 20 мың бала бар, олардың 82%-ы отбасыларда тәрбиеленіп жатыр.
Биыл шілдеде Алматыдағы балалар үйінің тәрбиенушілерін жергілікті билік күшпен көшірмекші болғаны анықталды. Балалар үйі орналасқан Бағанашыл ауданындағы жер телімі жаңа қымбат тұрғын үй комплексін салуды жоспарлаған компанияны қызықтырған.
Оқыңыз: Алматыдағы дау-дамай: «Бағанашыл» балалар үйі көшірілмейтін болды
фото: istockphoto.com
