«Egov» мобильді қосымшасында жаңа «Көлік тарихы» қызметі іске қосылды. Бұл жөнінде «Азаматтарға арналған үкімет» мемлекеттік корпорациясы хабарлады.
Енді осы қызмет арқылы көлік жайлы толық ақпаратты білуге болады. Ол үшін қосымшаға ЖСН мен телефон нөмірі арқылы кіріп, VIN-кодты енгізу жеткілікті. Осылайша қызмет дайын анықтама береді.
«Азаматтарға арналған үкімет» мемлекеттік корпорациясының хабарлауынша, бір тексерістің бағасы – 500 теңге. Сондай-ақ, басқа да тиімді ұсыныстар бар. Мысалы 10 тексеріс 4 500 теңге, 20 тексеріс 8 000 теңге болады.
Бұл қызмет көлік аларда қауіпсіздікті күшейтіп, алаяқтықтан сақтануға көмектеседі.
Осыған дейін жазғанымыздай, Қазақстан үкіметі сары түсті көлік нөмірлерін қолданыстан алып тастайды. Жалпы сары түсті нөмірлермен тіркелген көліктердің мәртебесі ақ түсті нөмірлі көліктермен теңестірілген.
БҚО бюджетіне 2,5 млн теңге көлік салығы түсті. Сонымен қатар 2025 жылдың жеті айында 4 201 салық бұйрығы жеке сот орындаушыларға жолданған. Оның ішінде 1 672 бұйрық бойынша 46,7 млн теңге өндірілді.
Сондай-ақ Қазақстанда электр көліктер саны 1,6 есе артқан. 2024 жылғы 1 желтоқсанда елде 12 587 көлік болған. Ал 2023 жылы тіркелген электромобильдер саны – 7 680. Бұл тізімде автомобильдер де, жүк көліктері, автобус та бар.
Фото: Pixabay.com
