Батыс Қазақстан облысында 181 864 автокөлік тіркелген. БҚО бойынша Мемлекеттік кірістер департаменті баспасөз қызметінің мәліметі бойынша, көліктер 140 334 азаматқа тиесілі. 131 666 салық төлеушіге жалпы сомасы 2 963,4 млн теңге көлік салығы есептелген. Сондай-ақ 8 668 азаматқа 237,7 млн теңге мөлшерінде салық жеңілдігі берілген. Бюджетке нақты түскен салық көлемі – 2 596,4 млн теңге.
2025 жылдың жеті айында 4 201 салық бұйрығы жеке сот орындаушыларға жолданған. Оның ішінде 1 672 бұйрық бойынша 46,7 млн теңге өндірілді. Сонымен қатар 226 рейд өткізіліп, нәтижесінде 1 531 салық төлеушіден 84,0 млн теңге бюджетке өндірілген.
«Автокөлігі атына тіркелген әрбір азамат салық төлеуге міндетті», — деп хабарлады БҚО бойынша Мемлекеттік кірістер департаменті.
Салық көлік нақты пайдаланылып жатқанына немесе пайдаланылмағанына қарамастан төленеді. Аталған салықты төлеуге қатысты кей санаттағы азаматтарға жеңілдік қарастырылған. Олардың ішінде ҰОС ардагерлері, мүгедектер, көпбалалы отбасылар бар.
Сурет: Freepik.com
